Chempionlar ligasining ochilish o'yinida "Liverpul" safarda "Milan"ni mag'lub etdi

 18 SENTYABR, 2024, 02:24

“Liverpul” Chempionlar ligasi umumiy bosqichi 1-turi doirasidagi o'yinda “Milan”ni mag'lub etdi – 3:1. Uchrashuv Milandagi "Juzeppe Meatstsa" stadionida bo'lib o'tdi.

Ushbu uchrashuvda ingliz klubi safida Ibrahima Konate, Virjil van Deyk va Dominik Soboslailar gol urishdi. "Qizil-qoralar"ning yagona goliga Kristian Pulishich mualliflik qildi.

“Liverpul” 3 ochko bilan turnir jadvalida uchinchi o'rinda bormoqda. "Milan" 33-o'rinda.