28 AVGUST, 08:50 38

Tokio-2020 paralimpiadasida O'zbekiston delegatsiyasi hisobiga yana bir oltin medal qo'shildi. Uni bizga yana bir engil atletikachimiz taqdim etdi.

Ayollar o'rtasidagi disk uloqtirish musobaqasining F57 toifasida ishtirok etgan Mohigul Hamdamova g'oliblikni qo'lga kiritdi. Hamyurtimizning oltita urinishdagi eng yaxshi natijasi 31,46 metr bo'ldi.

Ikkinchi pog'onani esa jazoirlik Nassima Sayfiy band etdi. U diskni 30,81 metr masofaga uloqtirdi.

Bronza medali braziliyalik Yuliana Kristiana da Silvaga nasib etdi — 30,49 metr.

Shu tariqa, O'zbekistonning oltin medallari 3taga etdi. Delegatsiyamiz umumjamoa hisobida 12-o'ringa ko'tarilib oldi.

Manba: stadion.uz