Emeri 6-jamoa bilan EChLda ishtirok etmoqda

 17 SENTYABR, 2024, 22:12

Bugun, 17 sentyabr kuni Chempionlar ligasining yangi mavsumi start oladi. Birinchi tur doirasida Unai Emeri bosh murabbiyligidagi "Aston Villa" safarda Shveytsariyaning "Yang Boyz" jamoasi bilan uchrashadi.

Opta Sports portali xabariga ko'ra, Emeri oltinchi jamoasi bilan Chempionlar ligasida o'ynaydi. Bungacha ispaniyalik mutaxassis ushbu turnirda "Valensiya", "Spartak", "Sevilya", "PSJ" va "Vilyarreal" klublari bilan birga ishtirok etgan.

Manbaning ta'kidlashicha, faqatgina "Real Madrid"ning amaldagi bosh murabbiyi Karlo Anchelotti Chempionlar ligasida ko'proq klublarni boshqargan - 8 ta.