Figeredo Merab Dvalishvilining chorlovini qabul qildi va jang sanasini ham taklif etdi

 17 SENTYABR, 2024, 15:32

Braziliyalik aralash yakkakurash ustasi, o'ta engil vazn toifasida sobiq UFC chempioni Deyvison Figeredo eng engil vaznda chempionga aylangan Merab Dvalishvili bilan jang qilishga rozi bo'ldi.

Gruziyalik Dvalishvili 15 sentyabr kuni UFC 306 turnirining markaziy jangida amerikalik SHon O'Mellini engib, chempionga aylanganidan so'ng ilk raqibi sifatida aynan Deyvison Figeredoni ko'rayotganini malum qilgan edi.

"Salom Dana! Kel, buni amalga oshiramiz! 7 dekabr, UFC 310", deb yozib qoldirdi Figeredo o'zining Tvitter sahifasida.

Avvalroq, menejer Ali Abdel-Aziz Merab o'zining ilk himoya jangida rossiyalik Umar Nurmagomedov bilan uchrashishini malum qilgan edi.

Manba: olamsport.com