logotip
Assalom-u alaykum, Mehmon!
Soat: 15:14
KirishA'zo bo'lish
TAVSIYA QILAMIZ
Yangiliklar tasmasi

Bahrom Haydarov: «Shogirdlarimga qo'qonliklarning standart vaziyatlaridan ehtiyot bo'lish lozimligini tayinlagandim»

 26 AVGUST, 07:25

Coca-Cola Superligasi 16-tur doirasidagi "Qo'qon-1912" – "Surxon" uchrashuvidan keyingi matbuot anjumanining birinchi qismida mehmonlar ustozi Bahrom Haydarov ishtirok etdi.

"Birinchi bo'limda havoning issiq bo'lgani har ikki jamoaga ham ta'sir qildi. Shuning uchun dastlabki 45 daqiqalikda yaxshi o'ynay olishmadi, deb o'ylayman. Qo'qonliklar ko'proq uzun pastlarga e'tibor berdi. Chunki, oldinda ikki nafar bo'ydor hujumchilar bor edi. Ularga qarshi futbolchilarimiz qiynalishdi. Gollar haqida aytadigan bo'lsam, “Qo'qon-1912” jamoasi so'nggi paytlarda standartlardan unumli foydalanyapti. Bugun ham birinchi golda bu foyda keltirdi. Shogirdlarimga aynan Yosovichdan ehtiyot bo'lishni aytgandik. Ammo xavotirlarimiz asosli chiqdi. Serbiyalik futbolchi bugun gol urdi. Ikkinchi gol haqida aytadigan bo'lsam, markaziy himoyachi bunday qo'pol xatoga yo'l qo'ymasligi lozim edi.

Ikkinchi bo'lim ham shiddatli kechdi. Tashabbus biroz biz tomonga o'tgandek bo'ldi. Agar vaziyatdan foydalana olganimizda hisob boshqacha bo'larmidi?

Jamoaning nomini o'zgartirish borasida biror narsa deyish qiyin. Jamoani ayni damda o'z homiysi bor. Bilamiz oldin “ASK” degan jamoa bo'lgan, balki shu nomli yangi jamoa tuzish mumkin. Lekin “Surxon” ayni damda o'z homiysiga ega.

O'yindan keyin biror narsa deyish mushkul. Bugun Pavlenko va Xolto'raev oldingi o'yinlardek harakat qila olishmadi. Buni endi muhokama qilamiz. Balki Murod Bobojonovni asosiy tarkibda maydonga tushirishni o'ylagandim.

Hozir autsayderlar haqida gapirishga erta. Oldinda 10 ta tur o'yinlari bor. Shunday ekan Superligadan tushib ketadigan klublar xususida aniq aytish mushkul. Futbolda oxirigacha o'ynash kerak. Xotirjamlikka berilish kerak emas", — dedi Bahrom Haydarov.

Manba: stadion.uz

butsanet

BILDIRILGAN FIKRLAR
QIZIQARLI FAKT VA IQTIBOSLAR