Xedira: "Anchelotti futbolchilarni tayyorlamaydi, balki odamlar bilan ishlaydi"

 17 SENTYABR, 2024, 06:36

"Real"ning sobiq yarim himoyachisi Sami Xedira Karlo Anchelottining yondashuvi haqida gapirdi. Nemis futbolchisi 2013 yildan 2015 yilgacha italiyalik murabbiy qo'l ostida ishlagan.

"2013/14 yilgi mavsumda jarohat olganimda jahon chempionatiga qadar tiklanish uchun vaqtim bor-yo'qligi noma'lum edi. Bu davrda Anchelotti meni juda qo'llab-quvvatladi. Men o'zimni jamoaning ajralmas qismidek his qildim. Futbolchi sifatida Karlo uchun hamma narsani berasiz, chunki u sizga ishonch va kuch beradi. U futbolchilarni tayyorlamaydi, odamlar bilan ishlaydi", dedi sobiq futbolchi.

Xedira 2021 yilda faoliyatini yakunlagan.