Goretska qishda "Bavariya"dan ketish haqida o'ylamoqda

 17 SENTYABR, 2024, 06:18

"Bavariya" yarim himoyachisi Leon Goretska yanvar oyidagi transfer oynasida klubini o'zgartirishi mumkin.

29 yoshli futbolchi Vensan Kompani qo'l ostida deyarli o'yin amaliyotiga ega bo'lmayapti: murabbiy "Frayburg"ga qarshi o'yinning so'nggi daqiqalarida yarim himoyachini almashtirdi, qolgan barcha vaziyatlarda esa u zaxirada qoldi. Insayder Fabritsio Romanoning so'zlariga ko'ra, agar yaqin bir necha oy ichida vaziyat o'zgarmasa, Goretska qishki transfer oynasi ochilgan yanvar oyidayoq ketish haqida o'ylaydi.

Transfermarkt ma'lumotlariga ko'ra, Leon Goretskaning "Bavariya" bilan shartnomasi 2026 yilning o'rtalariga qadar tuzilgan va uning narxi 30 million evroga teng.