Jorjino Xolandning APLdagi o'yini haqida gapirdi

 17 SENTYABR, 2024, 06:12

"Arsenal" yarim himoyachisi Jorjino "Manchester Siti" hujumchisi Erling Xolandning ajoyib golli o'yini haqida o'z fikrlari bilan o'rtoqlashdi.

Norvegiyalik futbolchi to'rtta turdan so'ng urgan to'qqizta gol bilan Premer-liga to'purarlari poygasida peshqadamlik qilmoqda – uning eng yaqin ta'qibchilarida atigi uchtadan gol bor.

“Erling qayta-qayta gol urmoqda va bu meni kuldirishni boshladi. Ha, biz barcha uchrashuvlarni tomosha qilamiz, chunki biz futbolni yaxshi ko'ramiz, biz Premer-ligani yaxshi ko'ramiz. Biz "Manchester Siti" o'yinlarini tomosha qilamiz va bu normal holat", - deya Jorjinoning so'zlarini keltiradi jurnalist Saymon Kollings.