"Inter"ning muhim futbolchisi "Manchester Siti"ga qarshi o'yinni o'tkazib yuboradi

 17 SENTYABR, 2024, 06:00

Milanning “Inter” klubi chap qanot himoyachisi Federiko Dimarko “Manchester Siti”ga qarshi o'ynay olmaydi.

26 yoshli futbolchi bu mavsumda "neradzurrilar"ning A Seriyadagi barcha to'rtta o'yinida maydonga tushdi, ammo chorshanba kuni bo'lib o'tadigan Chempionlar Ligasidagi birinchi uchrashuvida jamoaga yordam bermaydi. FcInter1908 xabariga ko'ra, Dimarko mushaklaridagi muammolar tufayli "Manchester Siti" bilan o'yinda ishtirok etmaydi. Bundan tashqari, futbolchi yakshanba kuniga belgilangan Milan derbisini o'tkazib yuborish xavfi bor.

"Manchester Siti" - "Inter" uchrashuvi Toshkent vaqti bilan 00:00da boshlanadi.