"Manchester Siti" yaqinda Angliya terma jamoasida debyut qilgan futbolchiga ko'z tikdi

 17 SENTYABR, 2024, 05:54

"Nottingem Forest" yarim himoyachisi Morgan Gibbs-Uayt "Manchester Siti"ga o'tishi mumkin.

24 yoshli futbolchi uzoq vaqtdan beri grand maqomga ega ingliz klublarining radarida bo'lib kelgan va yaqinda yarim himoyachining milliy terma jamoadagi muvaffaqiyatlari qayd etilib, uni sentyabr oyidagi Millatlar ligasi o'yinlariga chaqirishgan. HITC xabariga ko'ra, "Manchester Siti" Gibbs-Uaytga da'vogarlar ro'yxatiga qo'shilgan. “Nyukasl” va “Tottenxem” “shaharliklar” bilan raqobatlashishga tayyor.

Morgan Gibbs-Uayt 7 sentyabr kuni Irlandiyaga qarshi o'yinda Angliya terma jamoasi safida debyut qildi. Transfermarkt portali ekspertlari o'rmonchilar futbolchisining narxini 40 million evroga baholamoqda.