Slot Soboslai haqidagi savolga javob berdi

 16 SENTYABR, 2024, 23:30

«Liverpul» bosh murabbiyi Arne Slot yarim himoyachi Dominik Soboslaining fazilatlari haqidagi savolga javob berdi.

Vengriyalik futbolchi «qizillar»ning joriy Premer-ligadagi to'rtta o'yinida ham almashtirilmasdan o'ynadi, ammo niderlandiyalik murabbiyning so'zlariga ko'ra, 23 yoshli yarim himoyachida hali ham yaxshilanish uchun imkoniyat bor.

«Dominik biz uchun juda muhim. U bosim ostida ajoyib o'ynaydi, lekin biz hali ham ko'proq gol urish va ko'proq imkoniyatlar yaratish uchun u bilan ishlashimiz kerak. Uning raqamlari yaxshilanishi kerak, lekin men undan mamnunman. Ishonchim komilki, u yaxshilanadi», - dedi Slot seshanba kuni Italiyada «Milan»ga qarshi Chempionlar ligasi o'yini oldidan matbuot anjumanida.