Shaxmat, Budapesht-2024. O'zbekiston erkaklar jamoasi g'alaba qozondi, qizlar esa durang o'ynashdi

 16 SENTYABR, 2024, 23:24

45-Butunjahon shaxmat olimpiadasida 6-tur o'yinlari bo'lib o'tmoqda. O'zbekiston erkaklar terma jamoasi Isroil ustidan qiyin g'alabaga erishgan bo'lsa, qizlarimiz kuchli raqib bilan durang o'ynadi.

Javohir Sindarov qo'pol xato evaziga yutqazib qo'ydi va Isroil hisobni ochdi. Shundan so'ng Nodirbek Yoqubboev g'alabaga erishdi va hisobni tenglashtirdi.

Nodirbek Abdusattorov esa raqibini tseytnotga kirishga majbur qildi va g'alabani o'z tomoniga og'dirdi. Shundan so'ng Shamsiddin Vohidov raqib bilan durangga erishdi. Yakuniy hisob — 2,5 - 1,5.

Qizlarimiz esa Niderlandiya bilan durang qayd etishdi. Nodira Nodirjonova raqibini tezkorlik bilan mag'lub etgan bo'lsa, Umida Omonova mag'lubiyatga uchradi. Afruza Hamdamova va Nilufar Yoqubboeva o'z partiyalarini durang bilan yakunlashdi.

Ushbu g'alabadan keyin O'zbekiston erkaklar terma jamoasi o'z ochkolarini 10 taga etkazib, kuchli beshlikka kirib oldi. Ayollarimiz esa 15 talikda qolishi kerak.

Musobaqada ertaga dam olish kuni. 7-tur bahslari 18 sentyabr kuni bo'lib o'tadi.

Erkaklar terma jamoamiz:

O'ZBEKISTON - Isroil - 2,5 - 1,5.
Nodirbek Abdusattorov - Maksim Rodshteyn - 1:0
Nodirbek Yoqubboev - Ido Gorshteyn - 1:0
Javohir Sindarov - Tamir Nabatiy - 0:1
Shamsiddin Vohidov - Ilya Smirin - 0,5:0,5

Ayollar terma jamoamiz

O'ZBEKISTON - Niderlandiya - 2 - 2.
Afruza Hamdamova - Eline Roebers - 0,5 - 0,5
Nilufar Yoqubboeva - Jaokin Peng - 0,5 - 0,5
Umida Omonova - Machteld van Foreest - 0 - 1
Nodira Nodirjonova - Anna-Maya Kazariyan - 1 - 0