"Real" yozda Kamavinga borasida tushgan taklifga rad javob bergani ma'lum bo'ldi

 16 SENTYABR, 2024, 18:48

Madridning "Real" klubi yozda yarim himoyachisi Eduardo Kamavingani sotishi mumkin edi. Relevo nashri xabariga ko'ra, "Qirollik klubi" frantsiyalik futbolchini transfer qilish bo'yicha bir qancha takliflar olgan, biroq o'z futbolchisini sotishdan bosh tortgan.

Qayd etilishicha, "Real" Kamavinganing imkoniyatlariga ishonadi va bu mavsumda yarim himoyachidan oldinga siljishni kutmoqda. "Qirollik klubi" Toni Kroos ketganidan so'ng Eduardo yangi bosqichga chiqishiga umid qilmoqda. Kamavinga 2021 yilning yozida Frantsiyaning "Renn" klubidan "Real"ga o'tgan edi. Hozirda Eduardo jarohatidan forig' bo'lmoqda. Yarim himoyachi shu oy oxirida safga qaytishi kerak.