logotip
Assalom-u alaykum, Mehmon!
Soat: 00:31
KirishA'zo bo'lish
TAVSIYA QILAMIZ:
Real Madrid Fans Uzbekistan
Chiroyli.com - Tezkor yangiliklar
“Nasaf” OFK kubogida g'alaba qozonish uchun Superligani qurbon qilyaptimi? - Ro'ziqul Berdievdan javob

 24 AVGUST, 13:40 42

.

Qarshiliklar ustozi ishtirokida matbuot anjumani

25-avgust kuni “Nasaf” OFK Kubogi-2021 hududiy final o'yinida Turkmanistonning “Ahal” klubiga qarshi bahs olib boradi.

Bugun o'yin oldidan jamoalar bosh murabbiylari ishtirokida matbuot anjumani o'tkazildi. Unda
Ro'ziqul Berdiev quyidagi fikrlarni bildirib o'tdi.

- “Ahal”ga qarshi tayyorgarligimiz ko'ngildagidek o'tdi. O'yinga futbolchilarimiz har tomonlama
shay. Raqimiz ajoyib jamoa. Ularni o'rganganimizda o'yinni yaxshi tashkil etishini, har xil
sxemalarda o'ynashini va tarkibida texnikasi kuchli futbolchilar boriligini ko'rdik. Ertaga qiziqarli bahs bo'ladi. Bor kuchimizni shu bellashuvga tashlab, natijaga erishishimiz lozim.

Avval ham turkman jamoalari bilan bir necha marta to'qnash kelganmiz, o'yinlarini ko'p kuzatamiz. Ularning biz bilan o'xshashlik taraflari bor. Chunki raqib ham texnikaga tayangan
holda taktik futbol namoyish etadi. Tezkor futbolchilarga ega. O'zbek va turkman futboli
mentaliteti o'xshash. Albatta, darajasi har xil bo'lishi mumkin. Chunki bizning futbol yaxshi
tashkil qilingan va stabil o'tmoqda. Ularda pandemiya sabab uchrashuvlar o'tkazilmayapti. Bu
qaysidir manoda bizga as qotishi mumkin. Lekin bu bizni bo'shashtirmaydi. Asosiy maqsadimiz
g'alaba qozonish.

“Nasaf” OFK kubogida g'alaba qozonish uchun Superligani qurbon qilyaptimi? Har xil gapga
ishonaverish kerak emas. Barcha musobaqaga maksimal darajada harakat qilyapmiz. Qaysidir
uchrashuvda mag'lubiyatga uchraymiz, ayrimlarida g'alaba qozonamiz. Lekin barcha o'yinda
jamoa bor imkoniyatini ishga solyapti. Shuning uchun bu gaplarga muxlislar e'tibor bermasligini istardim, - dedi Berdiev.

Manba: stadion.uz

Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR