Mareska Estevao haqida fikr bildirdi

 16 SENTYABR, 2024, 10:00

«Chelsi» bosh murabbiyi Entso Mareska kelasi yozda jamoaga kelib qo'shiladigan «Palmeyras» futbolchisi Estevao Villian haqida fikr bildirdi.

«Ha, biz uni kuzatyapmiz. U ajoyib natijalarni ko'rsatmoqda, lekin afsuski, u erda, bu erda emas. Biz uning bu erga kelishini keyingi yozgacha kutamiz, lekin, albatta, biz uning qilayotgan ishlaridan juda mamnunmiz», - dedi Mareska.

17 yoshli futbolchi Braziliya chempionati joriy mavsumida 22 ta o'yinda 9 ta gol urib, 7 ta assist berdi. «Aristokratlar» uni 34 million evroga sotib olgan.