Balotelli Dovbikni maqtadi

 16 SENTYABR, 2024, 08:54

Italiya terma jamoasining sobiq futbolchisi Mario Balotelli "Roma" hujumchisi Artyom Dovbik va uning o'yini haqida fikrlari bilan o'rtoqlashdi.

"Men Dovbik qanday vahshiylik bilan hujum qilayotganini Xolandga o'xshashligini aytaman.

Unda shunday uslub bor – u unchalik yaxshi koordinatsiyaga ega emas, lekin uning kuchli ekanligini va jarima maydonchasida gol urishni bilishini ko'rish mumkin. U gollar soni bo'yicha ikki baravar ko'p natijaga erishadi", - dedi Balotelli AS Roma Live bilan suhbatda.

Eslatib o'tamiz, kecha, 15 sentyabr kuni Italiya A Seriyasining 4-turidan o'rin olgan "Jenoa" hamda "Roma" jamoalari to'qnash kelgan uchrashuv o'z nihoyasiga etdi. O'yin 1:1 hisobida durang bilan yakunlandi. Rimliklar uchun yagona gol muallifi Artem Dovbik bo'ldi, bu uning klubdagi birinchi goli. Ukrainalik futbolchi yozda “Roma”ga “Jirona”dan kelgandi.