Navas Ramosni ortda qoldirib, "Sevilya" rekordini o'rnatdi

 16 SENTYABR, 2024, 07:36

Ispaniya chempionatining 5-turida “Sevilya” o'z maydonida “Xetafe”ni minimal hisobda mag'lub etdi. O'z klubiga mavsumdagi ilk g'alabani tajribali Xesus Navas keltirdi va u uchrashuvdagi yagona gol muallifi bo'ldi.

U "Sevilya"ning yangi rekordini o'rnatib, klubning Primerada gol urgan eng keksa futbolchisiga aylandi - Navas 38 yosh 298 kun. Oldingi rekord Serxio Ramos tomonidan o'rnatilgandi, u roppa-rosa 38 yoshida "Xetafe"ga qarshi o'yinda gol urgandi.