Miyatovich Vinisiusni tanqid qildi

 15 SENTYABR, 2024, 22:30

"Real Sosedad"ga qarshi o'yinda gol urgan "Real" hujumchisi Vinisius Junior barmog'ini labiga qo'yib, tribunalarni jim bo'lishga chaqirdi.

Braziliyalik o'ziga nisbatan qilingan haqoratlarga shunday munosabat bildirdi.

"Real"ning taniqli sobiq futbolchisi Predrag Miyatovich Vinisiusning xatti-harakatlariga izoh berdi.

"U muxlislarga "tosh" otadi. Atrofda sodir bo'layotgan voqealarni hisobga olgan holda, u biroz tinchlanishi kerak.

Biz goldan juda xursand bo'ldik, lekin keyin bayramdan hafsalamiz pir bo'ldi. Nega unga bu kerak?

U o'ziga zarar etkazadi. "Real Madrid"ning ko'plab muxlislari Vinisiusni yaxshi ko'rishadi, lekin uning xatti-harakatidan xafa bo'lishadi", - deya Miyatovichning so'zlarini keltiradi Spanish Sport.