logotip
Assalom-u alaykum, Mehmon!
Soat: 08:12
KirishA'zo bo'lish
TAVSIYA QILAMIZ:
Real Madrid Fans Uzbekistan
Chiroyli.com - Tezkor yangiliklar
Uzfutbol.net - Futbol yangiliklari
APL. 2-turning markaziy uchrashuvi yoxud London derbisi (prevyu)

 22 AVGUST, 17:10 55

.

APL doirasidagi 2-tur markaziy uchrashuvi «Arsenal» va «Chelsi» klublari o'rtasida kechadi.

Mazkur bahs oldidan o'yinga aloqador qiziqarli ma'lumotlarni taqdim etamiz.

Bilasizmi?

«Arsenal» 2004 yil fevral oyidan beri ilk bor ketma-ket 3 chempionat o'yinida «Chelsi» ustidan zafar quchishi mumkin.

«To'pchilar» yakshanba kuni o'tkazilgan «Chelsi»ga qarshi oxirgi 10 APL o'yinida g'alaba qozona olishmagan (2 durang, 8 mag'lubiyat). So'nggi bor «qizillar» aynan shu hafta kunida 2008 yilning noyabr oyida o'tkazilgan "Stemford Bridj"dagi bellashuvda uch ochkoni qo'lga kiritishgan edi — 2:1.

O'z navbatida «aristokratlar» «Emireyts»da o'tkazilgan oxirgi 4 Premer-Liga uchrashuvining barchasida g'alaba qozonishgan. Jamoa 2005 yilning boshidan 2006 yilning boshiga qadar 1 yil davomida «Arsenal» bilan 5 marotaba kuch sinashgan va hammasida g'alaba qozonishni uddasidan chiqishgan edi. O'sha davrda «Chelsi»ni hozirda «Roma» va Eldor Shomurodovning ustoziga aylangan Joze Mourino boshqarar edi.

«Chelsi» darvozaboni Eduar Mendi yanvar oyida klub boshqaruviga kelganidan beri Premer-Ligada barcha darvozabondan ko'p quruq o'yin (10) o'tkazgan.


Bahs rasmiylari

Bosh hakam: Pol Tirni

Qanot hakamlari: Konstantin Hatzidakis, Nil Devis

Zaxira hakami: Devid Kyut

VAR: Kris Kavenag

VAR yordamchisi: Shon Messi-Ellis.

Taxminiy tarkiblar

Arsenal — Leno, Soaresh, Uayt, Holding, Mari, Tirni, Jaka, Lokonga, Saka, Rou, Pepe

Chelsi — Mendi, Aspilikueta, Chaloba, Ryudiger, Kristensen, Alonso, Jorjino, Kante, Haverts, Maunt, Lukaku

Yo'qotishlar

Arsenal safida jarohati bois maydonga tusha olmaydigan futbolchilar uchta: Tomas Parti, Eddi Nketiya, Gabriel Magalyaesh. Obameyang va Edegor uchrashuvga tayyor emas bo'lsa, Runarsson, Lyakazett hamda Villian boshqa sabablarga ko'ra mazkur o'yinni o'tkazib yuborishadi.

Hakim Ziesh jarohatini davolash bilan band. Loftus-Chik (ma'lum emas) va Kristian Pulishich (koronavirus) esa boshqa sababga ko'ra «Chelsi»ga bugungi o'yinda yordam bera olishmaydi.


Raqamlar

«Arsenal»ning «Chelsi»ga qarshi oxirgi 4 uy uchrashuvida barcha musobaqalarda 2,5 va undan ortiq gol kiritilmoqda.

Premer-Liga doirasidagi «Chelsi»ning oxirgi 3 o'yinida ham o'rtacha har bir bahsda 2,5 va undan ko'p gol urilgan.

Jamoalarning oxirgi o'zaro uchrashuvi joriy yilning 12 may kuni "Stemford Bridj" o'yingohida o'tkazilgan va unda «to'pchilar» g'alaba (1:0) qozonishgan.

Mazkur ikki London klublari o'zaro 58 bor to'qnash kelishgan. 22 marotaba «Arsenal» g'alaba qozongan, 19 bor «Chelsi» zafar quchgan va 17 uchrashuvda murosa yo'li tanlangan.

 

Eslatib o'tamiz, «Arsenal» va «Chelsi» uchrashuvi Toshkent vaqti bilan bugun soat 20:30 da boshlanadi.

Manba: stadion.uz

Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR