«Barselona» 16 yoshli futbolchisini «Jirona»ga qarshi qaydnomaga kiritdi

 15 SENTYABR, 2024, 09:42

«Barselona» 16 yoshli yarim himoyachi Gile Fernandesni La Liganing 5-turidan o'rin olgan «Jirona»ga qarshi o'yin uchun qaydnomaga kiritdi.

Gile kataloniyaliklar tarbiyalanuvchisi bo'lib, 2022 yildan buyon klubda to'p suradi. Ispaniyalik futbolchi «Barselona»ning yoshlar jamoasi safida 14 ta o'yin o'tkazib, 1 ta gol urdi va 1 ta golli uzatmani amalga oshirdi.

«Barselona» Ispaniya chempionati jadvalida birinchi o'rinda borayotgan bo'lsa, jamoa 4 uchrashuvda 4 ta g'alabaga erishdi. «Jirona» bilan o'yin bugun, 15 sentyabr kuni «Montiliva» stadionida bo'lib o'tadi. Boshlanish vaqti - 19.15.