logotip
Assalom-u alaykum, Mehmon!
Soat: 00:32
KirishA'zo bo'lish
TAVSIYA QILAMIZ:
Real Madrid Fans Uzbekistan
Chiroyli.com - Tezkor yangiliklar
Nunu Eshpiritu Santu sobiq klubi maydoniga qaytmoqda (prevyu)

 22 AVGUST, 09:10 52

.

Angliya Premer-Ligasi 2-turi doirasida «Vulverhempton» o'z maydonida sobiq murabbiyi Nunu Eshpiritu Santu boshchiligidagi «Tottenhem»ni qabul qiladi.

Mazkur o'yindan oldin qiziq ma'lumotlarni taqdim etamiz.

«Vulverhempton» «shporlar»ga qarshi «Molineaux» stadionidagi oxirgi 7 APL uchrashuvining faqatgina bittasida g'alaba qozongan — 2 durang, 4 mag'lubiyat. Mazkur g'alaba 2010 yil fevral oyida qo'lga kiritilgan.

Adama Traore «Vulves» safiga 2018/19 yilgi mavsum boshida qo'shilgan va shu paytga qadar APLda 412 driblingni amalga oshirgan. Bu musobaqada istalgan futbolchining natijasidan yaxshi.

Nunu Eshpiritu Santu sakkizinchi bor portugaliyalik hamyurt hamkasblariga to'qnash kelmoqda (Marko Silva, Joze Mourinyo, Brunu Leyj). U oldingi 7 bahsning faqatgina ikkitasida zafar quchgan (3 durang, 2 mag'lubiyat).

«Shporlar» APLda 2003/04 yilgi mavsumdan beri ilk bor «Vulves» ustidan ketma-ket g'alabaga erishishi mumkin.

Bahs rasmiylari

Bosh hakam: Styuart Etvell

Qanot hakamlari: Den Kuk, Mark Perri

Zaxira hakami: Piter Benks

VAR: Martin Atkinson

VAR yordamchisi: Jeyms Meinvering

Jamoalar APL doirasida o'zaro 14 bor to'qnash kelishgan. 7 uchrashuvda «Tottenhem» g'alaba qozongan, 4 marta «bo'rilar»ning qo'li baland kelgan bo'lsa, 3 o'yinda durang qayd etilgan.

O'zaro to'qnashuvlarning hozircha oxirgisi bo'lib turgani joriy yilning 16 may kuni o'tkazilgan va londonliklar o'z maydonida 2:0 hisobida g'alaba qozongan.

Taxminiy tarkiblar

Vulverhempton — Sa, Kilmen, Koadi, Saiss, Hoever, Marsal, Moutinyo, Nevesh, Trinkao, Ximenes, Traore

Tottenhem — Lyoris, Tanganga, Sanches, Daer, Regilyon, Xoyberg, Skipp, Alli, Moura, Son, Bergveyn.

Yo'qotishlar

«Vulverhempton» safida Jonni, Villi Boli, Pedro Netu, Deniel Podens, Erson Moskera va Ugo Buenoda jarohat bor.

«Tottenhem» tarkibida esa Harri Keyn va Tanguy Ndombele sport formasini tiklashda davom etishmoqda. Karter-Vikers, Jo Rodon esa jarohatlarini tiklashmoqda.

Raqamlar

«Vulverhempton» APL doirasidagi oxirgi 4 o'yinda mag'lubiyatga uchragan.

«Tottenhem»ning APLdagi oxirgi 4 mehmon o'yinida o'rtacha har bir bahsida 2,5 dan ko'proq gol urilgan.

«Shporlar» APL doirasida oxirgi 4 o'yinda kamida ikkitadan gol o'tkazib yuborgan.

«Vulves» oxirgi 3 APL o'yinida bir to'p farqi bilan mag'lub bo'lgan.

Joriy mavsum APLning 1-turida «Vulverhempton» safarda «Lester»ga 0:1 hisobida yutqazgan bo'lsa, «Tottenhem» xuddi shu hisob bilan amaldagi chempion - "Manchester Siti"ni o'z uyida yutgandi.

Eslatib o'tamiz, «Vulverhempton» va «Tottenhem» o'rtasidagi bellashuv bugun Toshkent vaqti bilan 18:00da boshlanadi.

Manba: stadion.uz

Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR