logotip
Assalom-u alaykum, Mehmon!
Soat: 06:49
KirishA'zo bo'lish
TAVSIYA QILAMIZ:
Real Madrid Fans Uzbekistan
Chiroyli.com - Tezkor yangiliklar
Uzfutbol.net - Futbol yangiliklari
APL. «Sautgempton» - MYu uchrashuvi uchun prevyu

 22 AVGUST, 08:10 73

.

Angliya Premer-Ligasi 2-turidan o'rin olgan «Sautgempton» va "Manchester Yunayted" uchrashuvi bugun o'tkaziladi.

Mazkur bahs oldidan qiziqarli ma'lumotlarni keltirib o'tamiz.

«Sautgempton» o'z uyida bo'lgan MYuga qarshi 10 bahsning barchasida g'alaba qozona olmagan (4 durang, 6 mag'lubiyat). Yana bir qiziq tomoni shundaki, ushbu o'yinlarning oltitasida jamoa hisobda oldinda borgan.

Adam Armstrong APL doirasida «Sautgempton» uchun o'zining dastlabki ikki o'yinida gol kiritgan uchinchi futbolchi bo'lishi mumkin. Bunga qadar Manolo Gabbiadini (2017) va Anri Kamara (2005) ushbu ishni uddalashgan.

Mag'lubiyatdan qutulib qolingan taqdirda, MYu «Arsenal»ning 2003-2004 yillar davomida qayd etgan safardagi 27 mag'lubiyatsiz tseriyasini takrorlagan bo'ladi.

"Manchester Yunayted" joriy yilning fevral oyida «Sautgempton» klubini 9:0 hisobida mag'lub etib, APL tarixida eng yirik g'alabani qo'lga kiritgan jamoaga aylangan edi.


Bahs rasmiylari

Bosh hakam: Kreyg Pouson

Qanot hakamlar: Yan Hassin, Richard Vest

Zaxira hakami: Jarred Jillet

VAR: Andre Marriner

VAR yordamchisi: Li Bits

Jamoalar APLda umumiy 44 marta to'qnash kelishgan. Ularning 28 tasida mankunianliklar g'alaba qozongan, 7 bor esa mag'lub bo'lishgan va 9 uchrashuvda g'olib nomi aniqlanmagan.


Taxminiy tarkiblar

Sautgempton — MakKarti, Uoker-Piters, Bednarek, Salisu, Perraud, Armstrong, Romeu, Uord-Prous, Jenepo, Adams, Armstrong

MYu — De Xea, Van-Bissaka, Maguayr, Lindelyof, Shou, Fred, MakTomini, Fernandesh, Pogba, Sancho, Grinvud.


Yo'qotishlar

Uilyam Smolboun, Sam MakKvin kabi futbolchilar jarohat bois mezbonlarga yordam bera olishmaydi.

"Qizil iblislar" safida esa Markus Reshford va Aleks Tellesda jarohat mavjud bo'lsa, Fil Jons, Din Henderson, Edinson Kavani formada emasligi uchun bahsda qatnasha olishmaydi.


Raqamlar

MYu APLning ketma-ket 26 safar o'yinda mag'lubiyat nima ekanligini bilmay kelmoqda.

Barcha musobaqalarda MYu «Sautgempton»ga qarshi qatorasiga 13 o'yindan beri yutqazmayapti.

«Sautgempton» Premer-Liga doirasidagi so'nggi 3 o'yinda imkoniyatni boy berib qo'ygan.


APL 1-turida «Sautgempton» «Everton»da mehmon bo'lib 1:3 hisobida mag'lubiyatga uchragan edi. Bruno Fernandesh va Pol Pogbaning benefisiga aylangan "Manchester Yunayted" - «Lids» bahsida 5:1 natijasi qayd etilgan edi.

Eslatib o'tamiz, «Sautgempton» - MYu o'yini bugun Toshkent vaqti bilan soat 18:00 da boshlanadi.

Manba: stadion.uz

Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR