Ten Xag: "Reshford yaxshi formada"

 14 SENTYABR, 2024, 16:48

"Manchester Yunayted" bosh murabbiyi Erik ten Xag hujumchi Markus Reshfordning ahvoli haqida gapirdi.

Eslatib o'tamiz, Angliya Premer-ligasining dastlabki uch turida forvard birorta ham samarali harakatni amalga oshira olmagandi.

"U yaxshi holatda, lekin unga gol yoki golli uzatma kerak. "Liverpul" bilan so'nggi o'yinda u juda yaxshi xizmatlari bilan yodda qoldi. To'g'ri vaqt keladi, biz bu turtkini kutamiz, keyin Reshford ochilib ketadi", - dedi Ten Xag "Sautgempton" bilan o'yin oldidan o'tkazilgan matbuot anjumanida.

Reshford Angliya chempionatining 4-turidan o'rin olgan "Sautgempton"ga qarshi safar o'yinini asosiy tarkibda boshladi.