Ramos Janubiy emas Shimoliy Amerika klubi bilan muzokara boshladi

 14 SENTYABR, 2024, 14:06

"Real" va "PSJ"dagi o'yinlari bilan tanilgan ispaniyalik mashhur himoyachi Serxio Ramos Evropani tark etishi mumkin.

ESPN xabariga ko'ra, ispaniyalik futbolchiga Meksikaning "Monterrey" klubi qiziqish bildirmoqda. Klub vakillari Ramosning agenti bilan muzokaraga kirishdi.

Himoyachining so'nggi klubi "Sevilya" bo'lgan. Ispaniya chempionatining o'tgan mavsumida Ramos 28 ta o'yinda qatnashib, o'yinlarda 3 ta gol urdi.