Loftus-Chik Angliya terma jamoasiga chaqirilishini kutyaptimi?

 14 SENTYABR, 2024, 06:54

"Milan" futbolchisi Ruben Loftus-Chik Angliya terma jamoasiga qaytishi mumkinligi haqidagi savolga javob berdi.

Yarim himoyachi 2017-2018 yillar davomida Angliya terma jamoasi safida o'nta o'yin o'tkazgan. O'shandan beri u "uch sherlar" safiga taklif qilinmadi.

"Agar Li Karsli menga qo'ng'iroq qilmoqchi bo'lsa, iltimos, shunday qilsin. Lekin hozir butun e'tiborimni klub ishlariga qaratganman.

Men anchadan beri terma jamoada o'ynaganim yo'q, lekin agar bu jamoada yana o'ynash imkoniyatini qo'lga kiritish uchun o'zimni isbotlay olsam, bu ajoyib bo'ladi", - deydi 28 yoshli yarim himoyachi.