"Paxtakor" hamda "Neftchi" o'rtasidagi bahs oldidan hakamlikka oid muhim ma'lumotlar bilan tanishing

 13 SENTYABR, 2024, 17:18

"Neftchi" bugun Superliganing 18-turida "Paxtakor" mehmoni bo'ladi. Chempionat tarixiga nazar solsak, ushbu jamoalar o'zaro 59 to'qnashuvda ishtirok etgan (28 g'alaba toshkentliklarda, 22 g'alaba farg'onaliklarda va 9 durang). Mavsumning birinchi davrasidagi bahsda esa Asker Najafaliev ish olib borgan va unda "sherlar" 0:2 hisobidagi g'alabani qo'lga kiritgan.

Bu klublar o'rtasida eng ko'p bosh hakamlik qilgan sifatida Noil Lutfullinni aytish mumkin. Sobiq referi 11 marta bu jamoalar ishtirokidagi o'yinlarni boshqarib borgan. U ishlagan bahslarda o'rtacha 3,1 tadan gol urilgan.

Bugungi uchrashuvda esa Timur To'xtasinov boshchiligidagi hakamlar jamoasi ishlashi ko'zda tutilgan. U ilk bor mazkur klublar o'rtasidagi o'yinni boshqarib boradi.