Premer-liganing aksariyat klublari “Manchester Siti”ning jazolanishini istamoqda

 13 SENTYABR, 2024, 14:48

"Manchester Siti" 115 ta moliyaviy qoidalarni buzganlikda ayblanmoqda. Ayni paytda, Ispaniya La Ligasi rahbari Xaver Tebas Angliya Premer-ligasi klublari "shaharliklar" uchun jazo ko'rishni istashlarini aytdi.

"Men Premer-liganing ko'plab klublari vakillari bilan gaplashdim. Ularning aksariyati "Manchester Siti"ni jazolash kerakligini tushunishadi", - deya Tebas so'zlarini keltirmoqda Goal.

Oldinroq Britaniya matbuoti ishning ko'lamini inobatga olsak, "Manchester Siti" uchun jazo juda jiddiy bo'lishi mumkinligini yozgan edi.