Niko Uilyamsning agenti: "Biz uning boshiga qurol tirab, ketishiga majbur qila olmaymiz"

 13 SENTYABR, 2024, 12:54

Bilbaoning "Atletik" klubi hujumchisi Niko Uilyamsning agenti Feliks Tainta yosh futbolchining hozirgi jamoasida qolish qarori haqida gapirdi.

"Yigit yana bir yil Bilbaoda qolishga qaror qildi. Bizning vazifamiz uni qo'llab-quvvatlash va maslahat berishdir, lekin biz uning boshiga qurol tirab, uni ketishga majburlay olmaymiz", — deydi agent.

Uilyams Ispaniya terma jamoasi oltin medallarni qo'lga kiritgan so'nggi Evropa chempionatida eng yorqin o'yinchilardan biri edi. Nikoning shartnomasida tovon puli 58 million evro qilib belgilangan.