Volkanovski O'Melli - Dvalishvili jangiga taxmin bildirdi

 13 SENTYABR, 2024, 12:16

Yarim engil vazn toifasida sobiq UFC chempioni, avstraliyalik Aleksandr Volkanovski amerikalik SHon O'Melli hamda Gruziya vakili Merab Dvalishvili o'rtasidagi chempionlik jangi haqida gapirdi.

Eng engil vazn toifasidagi chempionlik taqdirini hal qiladigan musobaqa 15 sentyabr kuni tongda bo'lib o'tadi.

"Dvalishvili tik turgan holatda jang qiladi deb o'ylayman. To'g'ri, SHonda aqlbovar qilmaydigan darajadagi aniqlik bor, lekin Merab tinimsiz harakatlar orqali SHonga ancha qiyinchilik tug'diradi. Aynan bosim orqali harakatlar o'z samarasini berib, nokautga uchramagan taqdirda u g'alaba qozonadi. SHonni oyoqlari qanchalik yaxshi ishlasa ham, agar raqibini nokautga uchrata olmasa, u mag'lub bo'ladi", dedi Aleksandr.

Manba: olamsport.com