"PSJ"ning ikki futbolchisi mashg'ulotlarni o'tkazib yubordi

 13 SENTYABR, 2024, 08:18

"PSJ"ning ikki yarim himoyachisi jamoa mashg'ulotlarini o'tkazib yuborishga majbur bo'ldi.

Gap Uorren Zair-Emeri va Vitinya haqida ketmoqda – ikkala futbolchi ham jarohatlari sabab parijliklar jamoasining payshanba kungi mashg'ulotlarida qatnashmadi.

Biroq jurnalist Benjamin Kuarning fikricha, ikkala yarim himoyachi ham qisqa muddatga safdan chiqdi.

Ma'lumki, Zair-Emeri allaqachon o'z vazifasiga qaytishga yaqin turibdi.

U chorshanba kuni "Jirona"ga qarshi Chempionlar ligasi o'yiniga tayyor bo'lishi kutilmoqda. Bungacha Luis Enrike shogirdlari Liga 1 doirasida "Brest" bilan uchrashishi kerak - o'yin shanba kuniga belgilangan.