Kampush: "Uning nomzodini boshqa forvardlar qatorida muhokama qildik"

 13 SENTYABR, 2024, 07:24

Viktor Osimxen o'tgan yozda "Pari Sen-Jermen"ning maqsadlaridan biri hisoblangan edi, ammo transfer amalga oshmadi.

"Napoli" forvardi Evropaning etakchi chempionatlarida transfer davri tugaguniga qadar klubini o'zgartira olmadi va sentyabr oyida "Galatasaroy"ga ijaraga o'tdi.

"Shubhasiz, Osimxen bizning variantlarimizdan biri sifatida ko'rib chiqildi. Biz Gonsalo Ramush, Randal Kolo-Muani va Marko Asensiodan to'liq qoniqamiz, degan xulosaga keldik.

Biz Osimxenga shartnoma taklif qildikmi? Yo'q. Biz uning nomzodini boshqa forvardlar bilan muhokama qildik", dedi "PSJ"da sport maslahatchisi lavozimini egallagan Luish Kampush", - deya Kampushning so'zlarini keltirgan Frantsiya OAV.