«Arsenal» Arteta bilan yangi shartnoma imzolaganini e'lon qildi

 12 SENTYABR, 2024, 19:06

Londonning «Arsenal» jamoasi jamoa bosh murabbiyi Mikel Arteta bilan mehnat shartnomasini 2027 yilning yozigacha uzaytirdi. Bu haqda klub matbuot xizmati xabar berdi.

Eslatib o'tamiz, 42 yoshli ispaniyalik mutaxassis 2019 yilning dekabridan buyon «Arsenal»ni boshqarib kelmoqda. «Kanonirlar» ayni damda Angliya Premer-ligasi turnir jadvalida to'rtinchi o'rinni egallab turibdi. Jamoa uch turdan keyin etti ochkoga ega.