Bentankur irqchilikda ayblandi

 12 SENTYABR, 2024, 15:00

"Tottenxem" yarim himoyachisi Rodrigo Bentankur irqchilikda ayblandi.

“Canal 10” ko'rsatuvi efirida boshlovchi Rodrigodan o'zi uchun Son Xyon Minning futbolkasini olishni so'radi.

Futbolchi bunga beo'xshov hazil bilan javob berdi: “Sonning futbolkasinimi? Asosiysi, uni amakivachchasi bilan adashtirmaslik kerak, chunki ularning hammasi bir xil ko'rinishga ega".

FA bayonotida aytilishicha, yarim himoyachi intervyu paytida nomaqbul xatti-harakatlari uchun FA qoidasini buzganlikda ayblangan.

Rodrigo 19-sentyabrgacha o'z bayonotini tushuntirishi kerak. Aks holda, futbolchiga nisbatan jazo choralari qo'llaniladi, ammo qaysilari haqida ma'lumot berilmagan.