"Barselona" o'ng qanot himoyasini kuchaytiradigan ikki futbolchini belgilab oldi

 12 SENTYABR, 2024, 08:30

"Barselona" kelajakda himoyaning o'ng qanotini kuchaytirishni rejalashtirmoqda.

O'tgan yozda "ko'k-anorranglilar" yangi o'ng qanot himoyachisi bilan shartnoma imzolamagan holda Serxi Roberto, Joau Kanselu va Xulian Arauxodan ayrildi. Mundo Deportivo xabariga ko'ra, bu pozitsiyaga yangi o'yinchi sotib olish "Barselona"ning kelasi yozdagi asosiy maqsadi hisoblanadi. Ustuvor nomzodlar sifatida “Bavariya”dan Joshua Kimmix va “Selta”dan Oskar Mingesa ko'rilmoqda.

Transfermarkt portali Kimmixning narxini 50 million evroga baholagan, biroq nemisning “Bavariya” bilan shartnomasi 2025 yilda yakuniga etadi. Mingesaning narxi esa 8 million evro.