Mourino Gyulerga baho berdi

 12 SENTYABR, 2024, 08:24

"Fenerbaxche" bosh murabbiyi Joze Mourino "Real Madrid"ning o'sib borayotgan yulduzi Arda Gyuler haqida o'z fikrlarini bildirdi.

Hujumkor yarim himoyachi 2023 yilning yozida "Fenerbaxche"dan "Qirollik klubi"ga o'tgan edi.

Joze Turkiyada Gyuler bilan ishlamagan, lekin uning iqtidorini yuqori baholaydi: “Anchelotti qo'l ostida Arda ko'p narsani o'rganishi mumkin. Turkiya terma jamoasida o'ynash, Evropa chempionati kabi turnirlarda qatnashish ham muhim omillardir. Dunyoning eng katta klubida faqat yuqori darajadagi futbolchilar bo'lishi mumkin. Albatta, Gyuler eng yuqori salohiyatga ega futbolchilardan biri”, - dedi Mourino HT Spor nashriga bergan intervyusida.