"Chelsi" 80 million evroga sotib olgan futbolchi yozda jamoadan ketishni o'ylashanini tan oldi

 12 SENTYABR, 2024, 08:06

Markaziy himoyachi Uesli Fofana o'tgan yozda "Chelsi"ni tark etishi mumkin edi. 23 yoshli futbolchi o'tgan mavsumni xochsimon bog'lami yirtilgani sababli o'tkazib yubordi. Yaqinda "Marsel" frantsiyalik futbolchini sotib olishga tayyorligini bildirgan, biroq kelishuv amalga oshmagan. Markaz himoyachisi ushbu mavsumda "ko'klar"ning Premer-ligadagi uchta o'yinida ham boshidan oxirigacha o'ynadi.

"Agar men bu haqda ("Marsel"ning taklifi] haqida o'ylamaganman desam, yolg'on gapirgan bo'laman. Bu menga ta'sir qildi, chunki hamma biladi, men bu klubni qo'llab-quvvatlayman. Men u erga borish haqida o'yladim, ammo hozirgi maqsadim “Chelsi”da muvaffaqiyat qozonish.

Men Marseldan kelganman va hech qachon "Marsel" mening klubim ekanligini yashirmaganman. Lekin mening "Chelsi" bilan 2029 yilgacha shartnomam bor", - deya ikki yil avval "Chelsi" 80 million evroga sotib olgan Fofanadan iqtibos keltiradi GFFN.