"Manchester Yunayted"ning sobiq yulduzi qamalishi mumkin

 11 SENTYABR, 2024, 19:42

"Manchester Yunayted"ning sobiq yulduzi Anderson, agar u aliment bo'yicha qarzini to'lamasa, 30 kunga qamalishi mumkin.

Bu haqda Braziliyaning GZH nashri xabar berdi. Qayd etilishicha, Anderson jazoni Irman Migel Dario qamoqxonasida o'tashi mumkin.

Braziliyalik futbolchi qonun bilan bog'liq muammolarga birinchi marta duch kelayotgani yo'q. 2021 yilda u kriptovalyutalar orqali 4,7 million evroni yuvishda ayblangandi.

O'shanda Anderson ayblovlarni rad etgan va ishning holati hozircha noma'lum.