Madridning «Real» klubi yosh angliyalik yarim himoyachini nishonga oldi

 11 SENTYABR, 2024, 18:00

«Real Madrid» keyingi transfer oynalarida tarkibini kuchaytirish ustida ishlamoqda. «Todofichajes» portali o'z sahifalarida xabar berishicha, Madrid klubi «Sanderlend» yarim himoyachisi Kris Riggaga ko'z tikkan. Gap yuqori maqomli klublar e'tiborini tortgan 17 yoshli iqtidorli futbolchi haqida ketmoqda. Riggaga «Manchester Yunayted» va Dortmundning «Borussiya» klublari ham qiziqish bildirmoqda.

«Transfermarkt» portali Kris Riggani 300 ming evroga baholaydi. Shu bilan birga, angliyalik yarim himoyachining narxi yaqin kelajakda sezilarli darajada oshishi mumkin.