«Chelsi» hujumchisini ijaraga berdi

 11 SENTYABR, 2024, 17:48

«Chelsi» hujumchi David Datro Fofanani Afinaning "AEK" klubiga ijaraga berish bo'yicha kelishuvga erishdi.

Kelishuvda ivuarlik futbolchini yunon klubi kelasi yozda 20 million funt sterlingga sotib olishi mumkinligi haqidagi band bor.

Fofana 2023 yilda Norvegiyaning "Molde" jamoasidan "Chelsi"ga 8,4 million funt sterlingga kelib qo'shilgan edi.

Bu ivuarlik uchun birinchi ijara emas. Fofana o'tgan mavsumning birinchi qismini Bundesligada "Union Berlin" safida o'tkazgan bo'lsa, ikkinchi qismida Angliya Premer-ligasida "Byornli" safida o'ynadi va u erda 15 o'yinda 4 ta gol urdi.