Velosport, shosse yo'nalishida hamyurtlarimiz JChda ishtirok etadi

 11 SENTYABR, 2024, 17:42

22-29-sentyabr kunlari Shveytsariyaning Tsyurix shahrida velosportning shosse yo'nalishi bo'yicha kattalar va U-23 yosh toifasida jahon chempionati bo'lib o'tadi.

Mazkur musobaqada O'zbekiston terma jamoasi a'zolari ham ishtirok etishadi.

Kattalar o'rtasidagi bellashuvlarda Dmitriy Bocharov hamda Yanina Kuskova yurtimiz sharafini himoya qilishsa, U-23 yosh toifasidagi poygalarda Nikita Svetkov medallar uchun kurash olib boradi.

Hamyurtlarimiz hozirda muosbaqaga qizg'in tayyorgarlik ko'rishmoqda.