«Barselona» «Nyukasl» bilan Entoni Gordonning transferi bo'yicha kelishuvga erishdi

 27 MAY, 2026, 22:54

«Barselona» transfer bozorida tezkor harakat qilmoqda. Barchasi shu tomonga qarab ketmoqdaki, kataloniyaliklar hujum chizig'iga Entoni Gordonni qo'shib olishadi. Bu futbolchi hujumning uchta pozitsiyasida — markaziy hujumchi va har ikkala qanotda o'ynay oladi.

Jurnalistlar Ben Jeykobs va Aleks Kruk xabar berishicha, «Barselona» «Nyukasl» bilan Gordonning transferi bo'yicha 70 million funt sterling (80,8 million evro) evaziga kelishib olgan. Bonuslar hisobiga bu summa yanada oshishi mumkin.

«Barselona» kelishuv tez fursatda rasmiylashtirilishini kutmoqda — kataloniyaliklar allaqachon 25 yoshli o'yinchi uchun tibbiy ko'rikni rejalashtirishmoqda. Avvalroq Gordon «Barselona» bilan shaxsiy shartnoma shartlarini kelishib olgani haqida ma'lumotlar paydo bo'lgandi.