«Manchester Siti» Gvardiol uchun narx belgiladi

 27 MAY, 2026, 20:48

«Manchester Siti» himoyachisi Yoshko Gvardiol faoliyatini Ispaniyada davom ettirishi mumkin.

The Independent nashrining ma'lumotlariga ko'ra, Xorvatiyalik futbolchini sotib olishga Madridning «Real» klubi qiziqish bildirmoqda. «Qaymoqranglilar» o'yinchi uchun kurashda boshqa top-klublarni ortda qoldirishga harakat qiladi. «Manchester Siti» o'z himoyachisi uchun 70 milliondan 75 million evrogacha narx belgiladi.

Yoshko Gvardiol 2023 yilda «RB Leyptsig»dan «Manchester Siti»ga 90 million evro evaziga o'tgan edi. Uning shartnomasi 2028 yil 30 iyungacha mo'ljallangan.

2025/26 yilgi mavsumda himoyachi «shaharliklar» safida barcha turnirlarda 25 ta o'yin o'tkazib, ikkita gol urdi va beshta golli uzatmani amalga oshirdi. Transfermarkt portali Gvardiolning qiymatini 70 million evroga baholamoqda.