Sarri yangi klub bilan kelishuvga erishdi

 25 MAY, 2026, 20:06

Tajribali murabbiy Mauritsio Sarri «Latsio»dan Italiya A Seriyasining boshqa bir klubiga o'tishga yaqin turibdi. Mashhur insayder Fabritsio Romanoning ijtimoiy tarmoqlarda xabar berishicha, 67 yoshli Sarri allaqachon «Atalanta» bilan shartnoma shartlari bo'yicha kelishib olgan.

Yaqin vaqt ichida ushbu shartnoma rasman imzolanishi kutilmoqda. «Atalanta» boshqaruvida Mauritsio Sarri Raffaele Palladinoning o'rnini egallaydi. Ayni damda rasmiy tasdiqlanishi kutilmoqda.

«Atalanta» Italiya chempionatini 7-o'rinda yakunladi va kelasi mavsumda Konferentsiyalar Ligasida mamlakat sharafini himoya qiladi.