Lamin Yamal ketma-ket ikkinchi mavsum La Liganing eng yaxshi assistenti bo'ldi

 25 MAY, 2026, 13:00

Lamin Yamal 2025/26 yilgi La Liga mavsumining eng yaxshi assistentiga aylandi.

«Barselona» vingeri Ispaniya chempionatida o'tkazilgan 28 ta uchrashuvda 11 ta golli uzatmani amalga oshirdi. Ta'kidlash joizki, u 22 apreldan beri sonining orqa mushagidagi jarohati sababli maydonga tushmagan. Ikkinchi o'rinni 37 ta o'yinda 10 ta assist qayd etgan «Xetafe» vakili Luis Milya egalladi.

Eslatib o'tamiz, Yamal o'tgan mavsumda ham 13 ta golli uzatma bilan chempionatning eng yaxshi assistenti bo'lgan edi.