«Liverpul» muxlislari Saloh va Robertsonni tantanali kuzatishdi (foto)

 24 MAY, 2026, 21:48

«Liverpul» muxlislari Muhammad Saloh va Endryu Robertson sharafiga maxsus bannerlar va shou namoyish etishdi.

Ushbu futbolchilar joriy mavsum yakunlanishi bilan klubni tark etishadi. APLning 38-turi doirasidagi «Brentford»ga qarshi bugungi bahs ular uchun mersisaydliklar safidagi so'nggisi bo'ldi.

Uchrashuv boshlanishidan oldin «Enfild» tribunalarida muxlislar maxsus modulli shou tashkil etishdi. Unda Saloh va Robertsonning laqablari hamda o'yin raqamlari aks ettirildi. Shuningdek, muxlislar Salohning APL kubogi bilan tushgan tasviri va «Biz buyuklikdan shon-shuhratgacha etib keldik. Saloh — bizning qirolimiz», deb yozilgan bannerni namoyish qilishdi.