Bernardu Silva «Manchester Siti»dagi so'nggi o'yini oldidan ko'z yoshlarini tiya olmadi (video)

 24 MAY, 2026, 20:24

«Manchester Siti» yakshanba kuni Premer-liganing so'nggi turi doirasida «Aston Villa»ga qarshi maydonga tushmoqda. Ushbu o'yinda «shaharliklar» Xosep Gvardiola, Jon Stouns va Bernardu Silva bilan xayrlashmoqda – bosh murabbiy va ikki futbolchi klubni tark etmoqda.

Maydonga tushishdan biroz oldin Bernardu Silvani hissiyotlar chulg'ab oldi va u hatto ko'z yoshlarini tiya olmadi. To'qqiz mavsum davomida ko'plab sovrinlarni qo'lga kiritgandan so'ng klub bilan xayrlashish insonni befarq qoldirmasligi tabiiy. Bernardu Silva bugun «Manchester Siti» safidagi 460-o'yinini o'tkazmoqda.