Bruno APL mavsumining eng yaxshi futbolchisi sovrini bilan "MYu" jamoasi va murabbiylari bilan suratga tushdi (foto)

 23 MAY, 2026, 18:36

«Manchester Yunayted» jamoasi sardori Brunu Fernandesh Angliya Premer-ligasida joriy mavsumning eng yaxshi futbolchisi deb topildi. Klub matbuot xizmati ushbu muvaffaqiyat ortidan futbolchining jamoadoshlari va murabbiylar shtabi bilan tushgan suratini e'lon qildi.

31 yoshli portugaliyalik yarim himoyachi joriy mavsumda o'zini ko'rsatishga muvaffaq bo'ldi. U Premer-liga doirasidagi 34 ta uchrashuvda maydonga tushib, raqiblar darvozasini 8 marotaba ishg'ol qildi va 20 ta golli uzatmaga mualliflik qildi.

Bunday samarali o'yin evaziga Brunu mavsum yakunlari bo'yicha APLning eng yaxshi futbolchisiga atalgan nufuzli sovrinni qo'lga kiritdi.