Pirs Morgan Brununing APLda mavsumning eng yaxshi futbolchisi bo'lganiga rozi emas

 23 MAY, 2026, 16:00

«Arsenal» muxlisi va taniqli teleboshlovchi Pirs Morgan «Manchester Yunayted» yarim himoyachisi Brunu Fernandeshning APLda mavsumning eng yaxshi o'yinchisi deb topilishiga o'z e'tirozini bildirdi.

«Bu kulgili, Deklan Rays g'alaba qozonishi kerak edi. Jamoasi mavsum davomida biror marta ham sovrin uchun kurashmagan futbolchining, ajoyib o'yini bizni chempionlikka etaklagan yigitdan ustun qo'yilishi — mutlaqo adolatsizlikdir», — deb yozdi Morgan.

Eslatib o'tamiz, «Arsenal» joriy mavsumda 22 yillik tanaffusdan so'ng Angliya chempioniga aylandi, Rays esa jamoaning asosiy etakchilaridan biri bo'ldi. Brunu Fernandesh esa mavsumni 20 ta golli uzatma bilan yakunlab, APL rekordini takrorlaganiga qaramay, «Manchester Yunayted» chempionlik poygasida ishtirok etmadi.