The Athletic talqini bo'yicha mavsumning eng yaxshi yosh futbolchisi aniqlandi

 23 MAY, 2026, 13:30

Kataloniyaning «Barselona» klubi yulduzi Lamin Yamal The Athletic jurnalistlari talqiniga ko'ra, mavsumning eng yaxshi yosh futbolchisi deb topildi.

«Jamoa uchun og'ir kechgan o'yinlarda Lamin etakchilikni o'z zimmasiga oldi va o'yinni o'z qo'liga oldi. U o'z yoshi uchun ajoyib statistikaga ega», — deyiladi «ko'k-anorranglilar» haqidagi nashrda.

Joriy mavsumda Yamal 55 ta uchrashuvda maydonga tushib, 24 ta gol urdi va 18 ta golli uzatmaga mualliflik qildi. 18 yoshli futbolchi «Barselona» bilan birgalikda muddatidan avval Ispaniya La Ligasi chempioniga aylandi. Vingerning bozor qiymati 200 million evroga baholanmoqda. Uning «Barselona» bilan tuzgan shartnomasi 2031 yilgacha mo'ljallangan.