«U klub DNKsida o'chmas iz qoldirdi». Shayx Mansur Gvardiola faoliyatiga baho berdi

 23 MAY, 2026, 08:36

"Manchester Siti" xo'jayini Shayx Mansur ibn Zaid Ol Nahayon jamoaning bosh murabbiyi Xosep Gvardiolaning klubdagi faoliyatiga baho berdi, deb xabar qilmoqda Sports.kz.

— Men ancha vaqt oldin «Manchester Siti»da ham maydonda, ham uning tashqarisida eng yaxshi insonlar bo'lishi kerakligini aytgandim. O'n yil davomida Pep aynan shu orzularning ifodasi bo'ldi. U klub DNKsida o'chmas iz qoldirdi. Bu iz nafaqat yutilgan sovrinlar soni, balki uning qanday g'alaba qozongani bilan ham bog'liq. U men va butun «Siti» oilasining cheksiz minnatdorchiligiga loyiq. U har doim shu oilaning bir qismi bo'lib qoladi, — dedi shayx Mansur.

Eslatib o'tamiz, Xosep Gvardiola "Manchester Siti"ni 2016 yildan 2026 yilgacha boshqardi. Uning qo'l ostida jamoa 20 ta sovrinni qo'lga kiritdi.